Йовлой Шахьбота Сулумбик
| Йовлой Шахьбота Сулумбик | |
|---|---|
 | |
| Ди | Ислам |
| Титул | муфти |
| Ваь таьрахь | 26 маьцхали 1937 |
| Ваь моттиг | Буро |
| Венна таьрахь | 14 саькура 2008 (70 шу) |
| Венна моттиг | Ӏаьлий-Юрт |
| Пачччахьалкхе |
 СССР →  Россе Федераци |
| Цул хьалха хиннараш | хьалхагӀа из должность хиннаяц |
| СовгӀаташ |
 |
| Да | Йовлой Шовхьала Шахьбот |
| Сесаг | Ӏарчакханаькъан Угурхан |
| Бераш |
Лида Улан (Махьмад–Гири) Азамат–Гири Лейла Лемка Марем Мухьмад Мухьмад–Башир Мухьмад–Ӏаьла. |
Йовлой Шахьбота Сулумбик (эрс: Евлоев Суламбек Шахботович) — бусулба дийша саг, ГӀалгӀай Мехка хьалхара муфти.
Вахар
Берал
Йовлой Сулумбик ваьв 1937 шера маьцхали бетта 24-гӀча дийнахьа Буро тӀа. Суламбика да́ — Йовлой Шовхьала Шахьбот молла хиннав, Буро тӀарча бусулба наьха тхьама́да а хиннав. Цо ший воӀ Суламбик бусулба дин чухьа кхеваьв. Суламбика даь-даь-да — Йовлой Мовсар-Хьажа, (1841—1919 шерашка) хьехам ийца хиннав цӀихеза шейх волча Кунта-Хьажийгара. Макка хьажол де ваха хиннав XIX бӀаьшера шоллагӀча даькъе. БӀорахой тӀема доакъашхо хиннав, иштта 78 шу даьнна волча хана кхелхав Эккаж-Юрта моастагӀий юхатохаш[1].
cаькура бетта 23-гӀча дийнахьа мехках даьккхача дерригача гӀалгӀай къамаца 6 шу даьнна Суламбик а Казахстане Ӏовигав. Берали, ондарг волаш хинна хаи, Суламбика Карагандински областа Балха́ш яхача пхье дӀадихьад. Цига юкъера дешар тӀехдика чакхдаьккхад, амма дошо майдилг еннаяц Суламбика́, Ӏодахийтача къамах из воландаь[1].
Дешар
Казахстанера 1959 шера цӀакхаьчача Сулумбик деша эттав Буро тӀарча Лоаман-металлурге институте. 1965 шера цу чу тӀехдика а де́шаш чакхдаьккхад цо дешар «Электромеханика» яхача факультете. ТӀехьагӀа 1983 шера 46 шу даьннача хана из деша эттав Ленинградерча паччахьалкхен хьехархой институте малхбоален факультете «Ӏарбий мотти литературеи» яхача специальностах. Толамца цига дешар чакх а даьккха Йовлой Суламбик ший дешар дӀахо дӀадихьад цӀихеза гӀалгӀай бусулба дийша саг хиннача Оздой Мухьмад волча. Цига ийцад цо бусулба Ӏилмеи дешари[1].
Къахьегама никъ
Суламбик болх бе волавеннав СССР министрий совета чу йолча Кхолламийи керда хьаделлача хӀамайи гӀулакхех йолча комитето цунна деннад автора бокъонах дола тешал. 1972 шера денз болх баьб «Чечингавтодора» Наькъа урхале, 1989 шера денз 1994 шу кхаччалца — Наьсарерча Бусулба институте проректор хиннав[2].
Валар
Сулумбик-молла веннав Ӏаьлий-Юрта 2008 шера Саькура 14 дийнахьа.
Белгалдаккхар
- ↑ 1,0 1,1 1,2 М. Барахоев, 2010.
- саькура бетта 16-гӀа ди.
ТӀатовжамаш
- Муслим Барахоев. Жизнь, как чудесный факел // газета «Северный Кавказ». — 2010. — 18 мая.
- «Сын народа Евлоев Сулумбек Молла» — специальный репортаж телеканала YouTube