Котяков Антон Олегович

Рувики материал
Антон Олегович Котяков
Anton Kotyakov (2020-02-12).jpg
Флаг
Россе Федерацен къахьегамеи социальни лорадареи министр
Флаг
21.01.2020
(д. кх. 7—13.05.2024)
Доалчен тхьамада Михаил Мишустин
Андрей Белоусов (д. кх.)
Михаил Мишустин
Президент Владимир Путин
Хьалхахиннар Максим Топилин
Флаг
Россе Федерацен финансий министра когаметтаоттар
Флаг
4.05.2017 — 21.01.2020
Доалчен тхьамада Дмитрий Медведев
Президент Владимир Путин
Ваьв 15 маьцхали 1980(1980-08-15) (46 шу)
Куйбышев, РСФСР, СССР
Дешар Самарера паччахьалкхен экономикан академи
РФ Президентаца йола РАНХиГС  (эрс.) (гӀа.
Ӏилман дарж экономикан Ӏилмай кандидат
Болхговзал экономист
МазаоагӀув mintrud.gov.ru
РУВИКИ.Медиа логотип РУВИКИ.Медиа чура файлаш

Котяков Антон Олегович (15 маьцхали 1980, Самара[d]) — россе паччахьалкхен къахьегамхо, экономист. Россе Федерацен къахьегамеи социальни лорадареи министр ва 2020 шера наджгоанцхой бетта 21-ча дийнахьа денз. Ший дарже юхадӀаоттаваьв 2024 шера маьтсела бетта Эрсечен керда доалче вӀашагӀйоллача хана.[⇨]

Россе Федерацен боккъонца вола паччахьалкхен 3-ча класса хьехамча ва. Россе Федерацен финансий министра когаметтаоттар хиннав (2017—2020 шерашка).[⇨]

Биографи

Антон Котяков ваьв 1980 шера маьцхали бетта 15-ча дийнахьа Куйбышеве (Самара).

Дешар

1997 шера Самарера авиационни профилах йола № 135 йола ишкол-лицей яьккхай. 2002 шера тӀехдика чакхъяьккхай Самарера паччахьалкхен экономикан академи, «Экономическая теория» яхача специальностахи, «Теория и организация рынка ценных бумаг» яхача специализацехи. 2005 шера Котяковс аспирантура яьккхай, кандидата диссертаци вӀаштӀехьъяьккхай «Рынок российских субфедеральных долговых ценных бумаг: становление и развитие» яхача темах. Экономика Ӏилмай кандидат яха Ӏилман дарж хьаденнад цунна.

Болх бар

2001 шера маьцхали бетта денз 2005 шера маьцхали беттага кхаччалца Котяков болх беш хиннав Самарай областа администрацен финансашта урхалдара департаменте, вугача говзанча хиларгара денз консультант хиларга кхаччалца никъ беш. 2005 шера маьцхали беттагара денз 2007 шера кӀимарча беттага кхаччалца болх баьб Самарай областа финансашта урхалдара министерства отдела хьаким волаш, тӀехьагӀа областной булам кхоачашбареи отчётностеи департамента кулгалхолла дӀатӀавахийтав, цу дарже 2012 шера бекарга беттага кхаччалца болх баьб. 2011 шера Котяковс магистратура яьккхай РФ Президентаца йола Россе халкъа боахамеи паччахьалкхен гӀулакхеи академи  (эрс.) (гӀа., «административное и финансовое право» яхача специальностах. 2012 шера бекарга беттагара денз 2014 шера тушола беттага кхаччалца Котяков болх беш хиннав Федеральни казначействе  (эрс.) (гӀа., функциональни деятельность толашагӀа еча урхален хьакималла. Самарай областа 1 класса паччахьалкхен хьехамчий чин йолаш ва Антон Котяков.

2014 шера тушола бетта Москвай областа доалче болх бе дехьаваьннав. 2017 шера наджгоанцхой беттага кхаччалца Котяков Москвай областа финансий министра пост дӀалоацаш хиннав, тӀехьагӀа Москвай областа цхьантеха йолча экономикани финансий министерства керте лаьттав.

2017 шера маьтсела беттагара денз 2020 шера наджгоанцхой беттага кхаччалца Котяковс болх баьб Россе Федерацен финансий министра когаметтаоттар волаш[1]. 2019 шера РФ Президентаца йолча Россе халкъа боахамеи паччахьалкхен гӀулакхеи академен Паччахьалкхен урхалдара Лакхерча ишкола кадрови урхала тӀехьален программан кхоалагӀча набора доакъашхо хиннав Антон Котяков.

2020 шера наджгоанцхой бетта 21-ча дийнахьа РФ Президента Владимир Путина амарца дӀатӀавахийтав Россе Федерацен къахьегамеи социальни лорадареи мини́стралла[2][3]. 2024 шера маьтсела бетта 14-ча дийнахьа Котяков Госдумо юхадӀачӀоагӀваьв Россе Федерацен къахьегамеи социальни лорадареи мини́стра дарже[4], цу дийнахьа РФ президента амар даьд из дарже дӀатӀавахийтарах лаьца[5].

Санкцеш

Евросоюзеи, США-аи, Канадайи, Шувцарехьени, Астралени, Кердача Зеландени санкционни лустамашта  (эрс.) (гӀа. юкъе ва Котяков[6][7].

СовгӀаташ

  • 3-ча даржа хьарак «За заслуги перед Московской областью» (2017)[8];
  • Москвай областа Губернатора Сийлен грамота (2015)[8];
  • Мейдилг «Генерал-полковник Дутов» (2013)[8];
  • Россе Федерацен федеральни казначейства Сийлен грамота (2012)[8];
  • Россе Федерацен промышленностеи таьргеи министерства баркал (2012)[8];
  • Мейдилг «20 лет Федеральному казначейству» (2012)[8];
  • Самарай областа финансашта урхалдара министерства Сийлен грамота, тӀехтоха хӀама доацаши эффективнии паччахьалкхен гӀулакх дарах (2010)[8].

Классни чин

Россе Федерацен боккъонца вола паччахьалкхен 3-ча класса хьехамча ва (2018)[9].

Дезал

Антон Котяков саг йоалаяь ва, кхоъ бер да цун[10].

Белгалдаккхар

  1. ↑ Валерий Шарифулин. Котяков, Антон Олегович. Министр труда и социальной защиты РФ. Энциклопедия ТАСС (2024). Хоам хьаийца таьрахь: 9.10.2025.
  2. ↑ Подписаны указы о назначении министров Правительства Российской Федерации // Президент России. Хоам хьаийца таьрахь: 9.10.2025. Архиваци яьй 25.01.2020.
  3. ↑ Котякова назначили министром труда и социальной защиты // РИА Новости. Хоам хьаийца таьрахь: 9.10.2025. Архиваци яьй 22.01.2020.
  4. ↑ Госдума утвердила Котякова на должность главы Министерства труда. РИА "Новости" (14.05.2024). Хоам хьаийца таьрахь: 9.10.2025.
  5. ↑ Президент подписал указы о назначении членов Правительства Российской Федерации и директоров служб. kremlin.ru (14.05.2024). Хоам хьаийца таьрахь: 9.10.2025.
  6. ↑ Эрдни Кагалтынов. Канада ввела санкции против МГИМО, ВШЭ, Юнармии и клуба «Валдай». kommersant.ru (22.09.2023). Хоам хьаийца таьрахь: 9.10.2025.
  7. ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (24.02.2023). Хоам хьаийца таьрахь: 9.10.2025. Архиваци яьй 28.02.2023.
  8. ↑ 1 2 3 4 5 6 7 Самарец Антон Котяков назначен Министром труда РФ. Хоам хьаийца таьрахь: 9.10.2025.
  9. ↑ Биография министра труда и социальной защиты Антона Котякова (21.01.2020). Хоам хьаийца таьрахь: 9.10.2025. // Wayback Machine архиве дӀадилла шоллар (23.01.2020)
  10. ↑ Биография Котякова Антона Олеговича. Министерство труда и социальной защиты России. Хоам хьаийца таьрахь: 9.10.2025. Архиваци яьй 20.02.2021.

ТӀатовжамаш

Хьаст — «https://inh.ruwiki.ru/w/index.php?title=Котяков_Антон_Олегович&oldid=126538330»