Алиханов Антон Андреевич

Рувики материал
Антон Андреевич Алиханов
Anton Alikhanov (2016-10-06).jpg
Флаг
Россе Федераце промышленностеи базареи министр
14 мая 2024
Доалчен тхьамада Михаил Мишустин
Хьалхахиннар Денис Мантуров
Флаг
Калининграда областа губернатор
(врио 2016-ча шера ардара бетта 6-ча дийнахьа — 2017-ча шера тов бетта 29-ча дийнахьа)
Флаг
Тов бетта 29-ча дийнахьа 2017 — Маьтсела бетта 14-ча дийнахьа 2024
Президент Владимир Путин
Хьалхахиннар Николай Цуканов
Евгений Зиничев \(врио)
ТӀехьахиннар Сергей Елисеев врио
Алексей Беспрозванных
Ваьв 17 тов 1986(1986-09-17) (39 шу)
Сухуми, Абхазий АССР, Гуржий ССР, СССР
Парти ЦаӀ йола Эрсече
Дешар Россе Федераце ахчан министерствон Ерригроссе паччахьалкхен йоала академи
Ӏилман дарж экономикан Ӏилмай кандидат (2012)
СовгӀаташ
Медаль «За усердие» II степени (Минюст России) Медаль «За вклад в создание Евразийского экономического союза» III степени
Россе Федерацен Президента Сийлен грамота
РУВИКИ.Медиа логотип РУВИКИ.Медиа чура файлаш

Алиха́нов Анто́н Андре́евич (17 тов 1986, Сухум[d]) ― Россе паччахьалкхен болхло. Россе Федерацен промышленностеи базареи министр (2024-ча шера маьтсели бетта 14-ча дийнахьа денз)[1].

Калиниграда областа губернатор (2017-ча шера тов бетта 29-ча денгара денз 2024-ча шера тов бетта 29-ча денга кхаччалца); 2016-ча шера ардара бетта 6-ча денгара денз 2017-ча шера тов бетта 29-ча денга кхаччалца — цхьан юкъа Калиниграда областа губернатора декхараш кхоачашдер)[2][3][4][5][6][7][8]. Ӏомаяьча говзалах — юристи финансисти ва. «Единая Россия» яхача политикан партеи генсоветеи доакъашхо ва[9][10][11].

Биографи

Хьавалар

Антон Алиханов ваьв 198-ча шера тов бетта 17-ча дийнахьа Гурже ССР Абхазе АССР Сухуми пхье ах янеи ах эрсеи волча Алиханов Андрея Антоновичеи[12], Москвера[13], Тиблисерча лорий институте дийша, лорий Ӏилмай кандидат йолча, эрсийи гуржийи овлаш долча Алиханова Лиана Тейрановнеи дезале (яьй. 1961)[12],[12][14]. Дас Сухуме субтропикерча баьцовгӀий аграрни университет яьккха хиннай, цо болх баьб чайи тхьамкеи кийчдеча фабрике[13].

1992-ча шера, гуржаштеи абхазаштеи юкъе тӀом болабенначул тӀехьагӀа цар дезал Москве баха дӀабахав, цига доладеннад цар керда вахар. Барайтта дезалхо (боккхий нахи, даи, нанеи, даь-йижарийи, даь-вежарийи, бераши) Кантемировски яхача метро станце шахьаре цхьан цӀагӀа Ӏеш хиннаб. Нана балха эттай Москверча клинически дарбанче гастроэнтерологе отделене кулгалхочулла, хӀаьта даь говзал цига накъаяьннаяц, цудухьа из волавеннав базар лелае[13]. Москве Андрей Алиханов хиннав чухьарча маьха «Русмясомолторг» яха хасап ду компани йолаяьр[12][14], 20 % дакъа лаьца. 1990-ча шерашка цунца болх беш хиннав Приволжски округе Россе Федерацен президента бокъон викал хинна Михаил Бабич[15].

Дешар

Антон Алиханов шиъ лакхера дешар дийша ва[12].

Цо Москве йистеяьккхай Россе Федераце финансий министерствон Россе юкъара паччахьалкхен йоалах йола академи: 2008-ча шера — «финансаши кредити» яхача говзалахи, 2010-ча шера — «юриспруденци» яхача говзалахи[16].

2012-ча шера Москве Г. В. Плеханова цӀерагӀа йолча Россе экономикан университете цох хиннав экономикан Ӏилмай кандидат, «Управление издержками на развитие организационной культуры компании» яха диссертаци язъярца[12] «Экономикем къаман юртабоахама урхалдар (менеджмент)» яхача говзалах[17].

Болх

2009—2010 шерашка — Москва областерча Россе Федерацен юстице министерствон Урхала юридически отдела эксперт-болхло[16].

2010—2012 шерашка — Россе Федерацен юстице министерствон гӀулакхашта урхал деш йолча Департамента планово-экономикан отдела кертера хьехамча[16].

2013 шера денз — Россе Федерацен промышленностеи базареи министерствон арахьарча дохкара́ паччахьалакхен тӀахьожама Департамента эггара хьалха кулгалхочун когаметтаоттар, цул тӀехьагӀа кулгалхо[18].

2015-ча шера денз наджгоанцхой бетта 24-ча дийнахьа денз Алиханов Евразерча эоконмикан комиссе коллеге юкъе базара политикан консультативни совета подкомитета доакъашхо[19][20].

2015-ча шера тов бетта 22-ча дийнахьа — Калининграда областа доалчен тхьамадан когаметтаоттар (юртбоахамаи промышленностаи тӀахьожаш хиннав)[18].

2015-ча шера оагӀой бетта 17-ча дийнахьа денз — Калининграда областа къаьстта йолча экономикан даькъе администрацен да́. Из бокъонаш вӀашагӀйохкаш хиннав Калининграда областе базара гӀулакх леладара бокъон оттамагахьа.

2016-ча шера кӀимарса бетта 30-ча дийнахьа денз — цхьан юкъа Калиниграда областа доалчен тхьамадан декхараш кхоачашдер[21].

Калининграда областа губернатор волаш

Россе Президента Владимира Путина Алиханов Антонаца вӀашагӀкхетар.
Москва, Кремль, 2016 шу ардара бетта 6 ди

2016-ча шера ардара бетта Россе Федерацен Президента Владимира Путина амар даларца[8] 6-ча дийнахьа губернатор Евгений Зиничев дӀаваьккхачул тӀехьагӀа, Алиханов оттаваьв цун когаметта Калиниграда областа губернатора декхараш кхоачашде цхьан юкъа, кхывар губернатор отталца[7]. Россе хана эггара зӀамагӀа вола губернатор хиннав (30 шу даьнна хиннав из).

Путина яхачох, Алиханов ва Калининграда областа дегӀайоалаяра стратегически никъ хоржачарех цаI, губернатора хьале болх дӀаболабарца из декхарийла оттаваьв Россе Федерацен доалченца цхьана из гӀулакх дизза кхоачаш де[7].

2017-ча шера тов бетта 10-ча дийнахьа хержав Калининграда областа губернатор. Калиниграда областа губернатор хоржамашка Алиханова́ кхадж тессаб 255 491 сага, из 81,06 % хоржам ба[2][3][4].

2017-ча шера тов бетта 29-ча дийнахьа из болх бе волавеннав бахархошта хьалхашка губернатора дош даларца[5][6].

2022-ча шера тов бетта 11-ча дийнахьа шозлагӀа юха хержав Калининграда областа губернаторалла. Тов бетта 9-11 деношка хиннача хоржамашка, Алиханов хоржаш, кхадж тессараш 80,21 %11 хиннаб (259 220 саг)[22]. Тов бетта 16-ча дийнахьа дарже дӀатӀавахав[23].

Керда доалче вӀашагӀйоллаш, премьера Михаила Мишустина промышленностеи база министра метте из хилча бакъахьа хеташ хьалхаваьккхав[24], хьалха хиннача кулгалхочоа, вице-премьералла хьожаваь волча Дениса Мантурова когаметта хургволаш[25]. Парламента процедураш йолхача юкъа Алиханова ший декхараш кхоачаш де оттаваьв ший когаметтаоттар Елисеев Сергей[26].

2024-ча шера маьтсели бетта 14-ча дийнахьа Паччахьалкхен Думас Алиханова́ тӀехьа промышленностеи базареи министра моттиг дӀачӀоагӀъяьй. Кхадж тессараш — 430 депутат, духьала хиннараш — 0[27]. Цу дийнахьа РФ Президента амарца цу метте дӀачоагӀваьв[28].

РФ промышленностеи базареи министр

2024-ча шера маьтсели бетта 14-ча дийнахьа Госдумас промышленностеи базареи министра метте дӀачоагӀваьв,[1], цу дийнахьа РФ президента из чӀоагӀварах долча амара тӀа кулг яздаьд[29].

Санкцеш

2022-ча шера оагӀой бетта 15-ча дийнахьа США санкцешта юкъе вахав[30]. Иштта нийсвеннав кхыча мехкай санкций листамашта юкъе. 2024-ча шера аьтинга бетта 13-ча дийнахьа денз Канадан санкцешта юкъе ва. Алиханова викал кхайкадаьд, санкцеш тохар цун балха Ӏаткъаш доацилга[31].

СовгӀаташ

  • Россе Федерацен Президента Почётни грамота[12].
  • Россе Федерацен Юстице Министерствон II даржах йола «Хьинаре къахьегарах» майдалг[12].
  • 2015 — Евразе экономикан юкъарлон (ЕАЭС) III даржах йола «Евразе экономикан юкъарло вӀашагӀйоллаш дакъа лацарах» яха майдалг[12]<ref[32].

Дезал

Сесаг — Дарья Вячеславовна Абрамова (яьй 1986-ча шера), Къамашта юкъерча журналистика факультете МГИМО дийша я[12]. Институт яьккхачул тӀехьагӀа Дарья болх беш хиннай редакторалла телевидене, цул тӀехьагӀа цӀагӀа телепрограммашка дувцаргдар яздеш. Цар ши дезалхо ва — Андреи (вьав 2012-ча шера), Полинаи (яьй 2015-ча шера), Владимири (ваьв 2018-ча шера)[14][33].

Уст-да — Вячеслав Абрамов, РФ МВД хьалха хинна полковник[14].

Дарьяй наьн-да — Могели Шалвович Хубутия (вьав 1946-ча шера аьтинга бетта 17-ча дийнахьа), хирург-трансплантолог, лорий Ӏилмай доктор, профессор, Россе Федераце дукха дика хӀамаш карагӀдийна лор, Н. В. Склифосовски цӀерагӀа йолча Москверча Ӏилман-тохкама сиха гӀодара института президент[14].

Антона зӀамагӀа вола воша — Георгий Андреевич Алиханов (ваьв 1994-ча шера, Москве)[13][14], дийша ва Москверча паччахьалкхен лорий-стоматологен университете, иштта мукъама тоабанна юкъе хиннав.

Белгалдаккхар

  1. ↑ 1 2 Госдума утвердила предложенных Мишустиным министров. РБК (14.05.2024). Хоам хьаийца таьрахь: 8.09.2025.
  2. ↑ 1 2 Алиханов победил на выборах губернатора Калининградской области. «РИА Новости» (11.09.2017). Хоам хьаийца таьрахь: 8.09.2025.
  3. ↑ 1 2 На выборах губернатора Калининградской области Алиханов набрал 81 % голосов. https://regnum.ru/. Хоам хьаийца таьрахь: 11.09.2025.
  4. ↑ 1 2 'Константин Панюшкин. Новости. В Калининградской области теперь работает самый молодой губернатор России — 30-летний Антон Алиханов. https://www.1tv.ru/ (.09.2017). Хоам хьаийца таьрахь: 11.09.2025.
  5. ↑ 1 2 [Алиханов вступил в должность губернатора Калининградской области. «РИА Новости». Хоам хьаийца таьрахь: 11.09.2025.
  6. ↑ 1 2 Новости. Антон Алиханов вступил в должность губернатора Калининградской области. Хоам хьаийца таьрахь: 11.09.2025.
  7. ↑ 1 2 3 Встреча с Антоном Алихановым. — Владимир Путин провёл встречу с Антоном Алихановым, в ходе которой информировал о решении назначить его временно исполняющим обязанности губернатора Калининградской области. Официальный сайт Президента Российской Федерации. Хоам хьаийца таьрахь: 11.09.2025.
  8. ↑ 1 2 Указ Президента Российской Федерации В. В. Путина № 529 от 6 октября 2016 года «Об исполняющем обязанности Губернатора Калининградской области». Официальный сайт Президента Российской Федерации // kremlin.ru
  9. ↑ Губернаторы четырёх регионов вступили в партию «Единая Россия». er.ru. Хоам хьаийца таьрахь: 11.09.2025.
  10. ↑ Губернатор Калининградской области Антон Алиханов вступил в «Единую Россию». vesti-kaliningrad.ru. Хоам хьаийца таьрахь: 11.09.2025.
  11. ↑ [ttps://er.ru/persons/generalnyi-sovet Генеральный совет. Состав.] er.ru.. Хоам хьаийца таьрахь: 11.09.2025.
  12. ↑ 1 2 3 4 5 6 7 8 9 10 Антон Андреевич Алиханов. Врио губернатора Калининградской области. Биография. tass.ru.. Хоам хьаийца таьрахь: 11.09.2025.
  13. ↑ 1 2 3 4 Александр Гамов, Михаил Яновский. Антон Алиханов: «Людей оцениваю по деловым качествам, а не по тому, что кто-то за них попросит». kaliningrad.kp.ru. Газета «Комсомольская правда». Хоам хьаийца таьрахь: 11.09.2025.
  14. ↑ 1 2 3 4 5 6 Андрей Ванденко. Антон Алиханов: «Потом костей не соберёшь. Чужих». Информационное агентство России «ТАСС» // tass.ru (19 июня 2017 года)
  15. ↑ Александр Раскин. Калининградскую область укрепили человеком из команды вице-премьера России. life.ru. Хоам хьаийца таьрахь: 11.09.2025.
  16. ↑ 1 2 3 Алиханов Антон Андреевич. Губернатор Калининградской области. Биография. er.ru.. Хоам хьаийца таьрахь: 11.09.2025.
  17. ↑ Диссертация на тему «Управление издержками на развитие организационной культуры компании». dissercat.com. Хоам хьаийца таьрахь: 11.09.2025.
  18. ↑ 1 2 Заместителем председателя Правительства Калининградской области назначен Антон Алиханов. gov39.ru. Хоам хьаийца таьрахь: 11.09.2025.
  19. ↑ Изменение состава Консультативного комитета по торговле при Коллегии Евразийской экономической комиссии. Хоам хьаийца таьрахь: 11.09.2025.
  20. ↑ Евразийская экономическая комиссия. Изменение состава Консультативного комитета по торговле при Коллегии Евразийской экономической комиссии. Правовой портал Евразийского экономического союза. Евразийская экономическая комиссия (11.09.2025).
  21. ↑ Антон Алиханов назначен врио председателя Правительства Калининградской области. gov39.ru. Хоам хьаийца таьрахь: 11.09.2025.
  22. ↑ Ни выбора, ни выборов: как жители региона голосовали за губернатора тогда и сейчас.
  23. ↑ Антон Алиханов вступил в должность губернатора Калининградской областиlang=ru. Хоам хьаийца таьрахь: 11.09.2025.
  24. ↑ Мишустин предложил кандидатуру Алиханова на пост главы Минпромторга. РБК (11.05.2024). Хоам хьаийца таьрахь: 11.09.2025.
  25. ↑ Госдума утвердила курирующего промышленность Мантурова первым вице-премьером РФ - Россия || Интерфакс Россия. www.interfax-russia.ru (13.05.2024). Хоам хьаийца таьрахь: 11.09.2025.
  26. ↑ Алиханов не собирался на другую работу, заявил его пресс-секретарь. РИА Новости (11.05.2024). Хоам хьаийца таьрахь: 11.09.2025.
  27. ↑ Госдума утвердила Алиханова главой Минпромторга. РИА Новости (14.05.2024). Хоам хьаийца таьрахь: 11.09.2025.
  28. ↑ Указ Президента Российской Федерации от 14.05.2024 № 394 «О Министре промышленности и торговли Российской Федерации». publication.pravo.gov.ru. Хоам хьаийца таьрахь: 11.09.2025.
  29. ↑ Президент подписал указы о назначении членов Правительства Российской Федерации и директоров служб. kremlin.ru (14.05.2024). Хоам хьаийца таьрахь: 11.09.2025.
  30. ↑ РБК, 15 декабря 2022. Калининградский губернатор Антон Алиханов попал под санкции США
  31. ↑ Канада ввела санкции против «Победы» и Мизулиной. РБК (13.06.2024). Хоам хьаийца таьрахь: 13.06.2024.
  32. ↑ Решение Высшего евразийского экономического совета № 4 от 8 мая 2015 года «О награждении медалью „За вклад в создание Евразийского экономического союза. docs.eaeunion.org. Хоам хьаийца таьрахь: 11.09.2025.
  33. ↑ Один день врио губернатора Антона Алиханова в калининградских СМИ. caravan.su. Хоам хьаийца таьрахь: 11.09.2025.

ТӀатовжамаш

Хьаст — «https://inh.ruwiki.ru/w/index.php?title=Алиханов_Антон_Андреевич&oldid=126538303»