Озанаькъан

Озанаькъан (эрс: Озиевы) — гӀалгӀай къаман массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Озанаькъан яхача ваьра наькъа цӀи хьахиннай: Оз яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Озиев», «Озиева», «Озиевы» аьнна язъю^[1].

Тархьар

Озанаькъан ба ТӀарагамхой а Эшка-Бохтарой а лоархӀаш. Уж баха моттиг я Дошалкъий-Юрт. Пхьилекъонгий-Юртара Озанаькъан ба Осканаькъан. ТӀой-Юртара Озанаькъан ба Гелатхой, Оарцхой^[2].

1886 шера Аьгекхаьле Озанаькъан 2 фусам яьхай^[2].

ЦӀихеза нах

Озанаькъан Актола Абдурахьман-Хьажа (1834-1928) — ГӀалгӀайчен хьалхара къаьда.

Озанаькъан ИсмаӀала Салман (1902-2002) — гӀалгӀай оазархо, таржамхо, йоазонхо. Нохч-ГӀалгӀай АССР халкъа оазархо.

Озанаькъан Илеза Ахьмад (1902-1937) — гӀалгӀай оазархо, таржамхо.

Озанаькъан Ахьмада Мухьмад (1938-2008) — гӀалгӀай хоамбоаржабархо, хьехархо, Нохч-ГӀалгӀай мохктохкама музея кулгалхо.

Озанаькъан Хьасана Муртаз (ваьв 1974 ш.) — театреи кинои актёр, ГӀалгӀай Мехка дукха дика хӀамаш карагӀдийна артист, ГӀалгӀай Мехка халкъа артист.

Литература

Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.

Цхьатарра тайпанцӀи йолча нахах лаьца долча лустамий листам.
Нагахьа санна хьо укхаза РУВИКИ энциклопеден кхыча оагӀон тӀара кхаьчавале(-яле), из укхазахьа вугаш бола тӀатовжам тоабе беза, къаьстта цхьан сагах болча лустамага из тӀахьожабеш хургболаш. Хьажа иштта долаш долча лустамий бӀарчча болча листамага.

[_6eeb3213280403a2-1] Ономастикон Ингушетии, 2021, оа. 17.

[_69dd7d5d37e70804-2] ¹ ² Дахкильгов, 1991, оа. 13.

[1]

[2]