Оздой Османа Дауд
| Оздоев Дауд Османович | |
|---|---|
 | |
| Ваь таьрахь | 19 тов 1959 |
| Ваь моттиг | Алексеевка, Целинограда область, Казахий ССР |
| Венна таьрахь | 10 бекарга 2014 (54 шу) |
| Паччахьалкхе | |
| Жанр | суртанча |
| СовгӀаташ |
 |
Оздой Османа Дауд (эрс: Оздоев Дауд Османович 19 тов 1959, Антоновка[d], Акмолинская область — 10 бекарга 2014) — ГӀалгӀайчени Россеи суртанча. ГӀалгӀай мехка халкъа суртанча[1].
Биографи
Дауд ваьв 1959-ча шера тов бетта 15-ча дийнахьа Шолхе, цига дӀадахад цун берал.
Дешар
Из кхойтта шу даьнна хиннав, духхьашха исбахьален ишколе деша эттача хана. Цунна хьехаш хиннав цӀихеза суртанча Н. М. Сухин. Цхьа шу даьннача гӀолла Буро тӀа дӀабихьача республикан къовсаме дакъа лаьцад цо, цига цунна диплом деннд, тӀехдика баьча балхах, аьнна, «ТӀахьехам» яхача сурта лакха мах баь.
1972—1976 шерашка цо дийшад Буро тӀарча исбахьален ишколе. Ишкол яьккхачул тӀехьагӀа из Ленинграде дӀавахав, цига цо дешар дӀадихьад СССР суртанчий пхьоалешка. 1983—1989 шерашка цӀихезача суртанчашта юкъе дакъа лоацаш хиннав Римски-Корсаков мукъамхочун цӀа-музей тоадеча.
Кхоллама
1990-ча шера тайп-тайпарча даржашка болх бе волавеннав. Цу юкъа Ӏомаяьй цо тайп-тайпара техникаш.
1994-ча шерашка Дауд ваьхав США, цун балхаш хьокхаш хиннад тайп-тайпарча гойтамашка: «DIZAIN — ART» (Хьюстон), «WEB-GALERY» (Кросби). 1996-ча шера цун кхоллам кхыча Петербургерча суртанчий кхолламца хьокха оттабаь хиннаб Суомий мехкеи ФРГ. Цу шера лайчилла бетта Дауда ший балхаш хьокха оттадаьд Илдарха-ГӀалий тӀарча гойтача исбахьалений музее. 1998-ча шера Оздой Дауда еннай «ГӀалгӀай мехка халкъа артист» яха сийлен цӀи[2].
Гойтамаш
Ший гойтамаш
- 1996 шу — ГӀалгӀай мехка паччахьалкхен гойташ йолча исбахьалений «Кавказа оалам» яха гойтам; ГӀалгӀай Мехка мехкдас Овшанаькъан Руслана гӀо-новкъостал дарца дӀабихьаб цун кхоллама гойтам. ГӀалгӀай мехка Паччахьалкхен музейо ийцаб 25 болх, уж цига долаш да;
- 2000 шу — Аьтинга бетта 4-ча дийнахьа ГӀалгӀай Мехка цӀай дездеш дӀабихьа бола шоллагӀа гойтам. Цига хьокха оттабаь хиннаб 40-нел совгӀа болх. Гойтаме хьажа баьхка хиннаб дукха хьаший, царна юкъе хиннаб арахьара хьаший, ГӀалгӀайчен мехкда Овшанаькъан Султана Руслан;
- 2001-ча шера аьтинга бетта 1-ча дийнахьа — Санк-Петербургерча Этнографически музея Мраморни зале дӀабихьа гойтам, цига хьокха оттабаь хиннаб 50 болх. Из гойтам хетабаь хиннаб Санкт-Петербурга 300 шу дизара. Гойтаме вена хиннав Санкт-Петербурга Яковлев Владимир Анатольевич. Цо Дауд вийхав Смольни гойтам бахьаш;
- 2001-ча шера ардара бетта 31-ча дийнахьа — Санкт-Петербургерча «Смольный» тархьара-мемориальни музее.
Кхыдола гойтамаш
- 1994 шу — США ваьхав, гойтамашка дакъа лаьцад: «DESIGN-ART» (Хьюстон), «WEB-GALERY» (Кросби)[3];
- 1995 шу — «ГӀалгӀайчен исбахьале» яха гӀалгӀайчен суртанчий гойтам;
- 1998 шу — ГӀалгӀайчен суртанчий Уфе хинна гойтам;
- 2000 шу — Тана-тӀарча-Ростове хинна «Лики Кавказа» яха гойтам;
- 2001 шу — Магасе хинна ГӀалгӀай суртанчий гойтам; Москве дӀабихьа бола «Навстречу третьему тысячелетию» яха ерригроссе гойтам;
- 2005 шу — Майкопе Малхбоален паччахьалкхен музее хинна «ГӀалгӀай суртанчий хӀанзара исбахьале» яха гойтам;
- 2006 шу — Москве Россе Федераце Федеральни Гуллама гӀишлон чу «ГӀалгӀай суртанчий кхоллама юкъе къаман Ӏадаташ» яха гойтам;
- 2006 шу — «Ислама экстремизма кхерам» гуллам, Магас.;
- 2006 шу — «Хьокхача исбахьален юкъе бераш» яха гойтам, Санкт-Петербург;
- 2007 шу — Санкт-Петербурга суртанчий гуллам «Петербурга Исбахьале 07»;
- 2007 шу — «За пушкинской строкой» гойтам, Санкт-Петербург;
- 2008 шу — «Мосты повисли над водами…» гойтам, Санкт-Петербург;
- 2008 шу — «Я этим городом храним» гойтам, Санкт-Петербург.
- 2013 шу — Эрмитражерча боарза аьрзе тӀагӀолла макет яьй
- 2014 шу — Илдарха-ГӀалий тӀара гойташ йолча исбахьалений музеера дагалоацама гойтам — «Са са шуца диссад»[4].
СовгӀаташ
- 1998 шу — ГӀалгӀайчен Халкъа Суртанча[1]
- 2003 шу — «В память 300-летия Санкт-Петербурга» майдилг
- 2009 шу — «КарагӀдаьннарех» орден[5].
Белгалдаккхар
- ↑ 1 2 Марина Ведзижева. Художник-романтик. gazetaingush.ru (19.09.2009). Хоам хьаийца таьрахь: 18.08.2013.
- ↑ Анна Булах. История одной картины. Дауд Османович Оздоев: вольная интерпретация гравюры А. Дюрера «Рыцарь, смерть и дьявол». Хоам хьаийца таьрахь: 14.08.2025.
- ↑ Оздоев Дауд Османович. ceo.spb.ru. Хоам хьаийца таьрахь: 24.09.2025. Архиваци яьй 4.03.2016.
- ↑ КПЦ "Эздел" Выставка «Моя душа осталась с вами». http://ezdel.ru/.+Хоам хьаийца таьрахь: 24.09.2025. Архиваци яьй оригинала тӀара 21.11.2016.
- ↑ В Летнем амфитеатре чествовали лучших сынов и дочерей современной Ингушетии. ingushetia.ru (12.06.2012). Хоам хьаийца таьрахь: 19.08.2013. Архиваци яьй 8.05.2013.