Цхьалха предложени

Цхьа́лха предложени (эрс: простое предложение) — цхьа предикативни лард йола предложенеш. ГӀалгӀай метта цхьа предложенеш тайп-тайпара хул оттамага хьажача.

Предикативность — предложене лард я, ший грамматически маӀан а долаш, из маӀан гучадоал ханага, кепага, соттамага гӀолла. Вай къамаьл ду уйлаш гучаяхар духьа, хӀара уйла дешашца гучайоаккх. Уж дешаш шоайла дувзаденна да. Уйла гучаяккха йиш я цхьан дешаца а. Масала: Сайран бераш лелар удаш, ловзаш. Садайнад. Гобаьккха боад. Йизза уйла хьагойтача дешаех е къаьстача цхьан дешах предложени оал. Предложени — чоалхане оттам ба.