Чахкенаькъан

Чахканаькъан (эрс: Чахкиевы) — гӀалгӀай къаман массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Чахканаькъан яхача ваьра наькъа цӀи хьахиннай: Чахк яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Чахкиев», «Чахкиева», «Чахкиевы» аьнна язъю.

Тархьар

Чахканаькъанба Хьулхой тайпан ба, уж бьаха моттиг я Наьсар-Корт, цига дах 27 цӀа, Наьсаре 7 цӀа. СОАССР Моздокерча шахьаре баьхаб Чахканаькъан тайпан цӀи йолаш гӀумкий. Уж хьабаьнна моттиг я Лакхереи Лохереи Хьули .

Чахканаькъан наькъаш хьадоладалар да цу массехк тайпан хиннача Чахк яхача сагагара, ишта цу Чахках хьа мел байна нах «Чахканаькъан» а ба, ший-ший тайпан а ба.

ЦӀихеза нах

• Чахкенаькъан Идриса СаӀид — гӀалгӀай йоазонхо, оазархо, драматург, кинодраматург, таржамхо, публицист. ГӀалгӀай йоазонхой юкъарлон доакъашхо. Нохч-ГӀалгӀайчен халкъа йоазонхо, Эрсечен йоазонхой юкъарлон а хоамбоаржабархой юкъарлон а доакъашхо ва. Ткъаьннел совгӀа книжкай автор;
• Чахкенаькъан Османа Капитон — гӀалгӀай оазархо, йоазонхо;
• Чахкенаькъан ТӀехала Ювсап — гӀалгӀай йоазонхо, хоамбоаржабархо, таржамхо;
• Чахканаькъан Ӏабдуллоахьа Ӏийса— гӀалгӀай артист. Байсаранаькъан Идриса цӀерагӀа йолча ГӀалгӀай паччахьалкхен драматически театра исбахьален кулгалхо. ГӀалгӀай Мехка халкъа артист.

Белгалдаккхар

Литература

• Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
• Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.