Чахкенаькъан Османа Капитон
| Чахкенаькъан Османа Капитон | |
|---|---|
| эрс: Чахкиев Капитон Османович | |
 | |
| Ваь таьрахь | 5 тов 1924 |
| Ваь моттиг | Мочкъий-Юрт |
| Венна таьрахь | 9 наджгоанцхой 1960 (35 шу) |
| БӀорахол |
 СССР →  Россе Федераци |
| Леладу гӀулакх | |
| Кхолламий мотт | гӀалгӀай |
| Дебют | 1937 шу, маьтсела бетта 9. |
Чахкенаькъан Османа Капитон (эрс: Чахкиев Капитон Османович) — гӀалгӀай оазархо, йоазонхо.
Биографи
Чахкенаькъан Капитон ваьв 1924-ча шера тов бетта 5-ча дийнахьа ГӀалме шахьара Мочкъий-Юрта. Цо дийша ишкол цар цӀагӀа хиннай. Цхьабакъда, даьх кулак ва аьнна, уж шоай моттигах баьхаб. Цар да Осман ший дезалца Ӏовахийтав Юкъерча Азе, Узбекистане, цигара 1937-ча шера Капитон ведда цӀавенав. 1941-ча шерага кхаччалца цун аьттув баьннаб, лечкъаш, гаргара нах болча ха яккха.
Духхьашха цун байташ кепатехай 1937-ча шера маьтсела бетта 9-ча дийнахьа. 1943-ча шерага кхаччалца цо болх баьб Шолжа-ГӀалий тӀарча радио диктор волаш. 1944-ча шера гӀалгӀай къам мехках даьккхачул тӀехьагӀа мара цунна аьттув баьннабац ший даьх дӀакхета. ДӀахо цо болх баьб Узбекистане. Цигара цӀавеначул тӀехьагӀа из балха эттав Нохч-ГӀалгӀай радиовещани студе.
Къонача оазархочун оагӀув хьаллоацаш хиннав Янданаькъан Жамалда. Муртазар Руслана цӀерагӀа язъеш хиннай Капитона байташ. Эггара дукхагӀа цо къахьийгад 1957—1960 шерашка. Ше дунен чухь йоаккхача хана из цхьа кинижка арахеца мара кхоаваьвац. ДукхагӀйола байташ арайийнай «Сердало», «Ленина никъ», «Комсомола фу» яхача газеташ тӀа, «Лоаман Ӏуйре» яхача альманаха тӀа, иштта тайп-тайпарча гулламаш тӀа. ДукхагӀдола цо даь йоазув арадаккханза дисад. Арадаккханза дисача литературанна юкъе хиннад «Моакхаза лоамаш» яха роман а. 2004—2008 шерашка из арадаьннад «Литературни ГӀалгӀайче» яхача журнала тӀа[1].
Чахканаькъан Капитон веннав къона волаш, 36 даьннача хана.
Белгалдаккхар
Литература
- Патиев Я. С. Писатели Ингушетии. — Ростов-на-Дону : Южный Издательский дом, 2015. — 185 с.