Байсара БӀунхочун ИбрахӀим
| Байсара БӀунхочун ИбрахӀим | |
|---|---|
| Ваь таьрахь | 1878 |
| Ваь моттиг | Мочкъий-Юрт, Бурон округ, Тийрка область |
| Кхелха таьрахь | 1945 |
| БӀорахол |
 Россе импери →  СССР |
| Леладу гӀулакх | политик |
| Да | Байсара БӀунхо |
Байсара БӀунхочун ИбрахӀим (эрс: Базоркин Ибрагим Бунухоевич) — инженер-механик, политик, публицист; 1918-ча шера денз Тийрка областа бувзамий наькъий Халкъа комиссар, Сунний маьждиг дотташ да́къа лоацаш хиннав. Инарал хиннача Байсара БӀунхочун воӀ ва[1].
Биографи
ИбрахӀим ваьв 1878-ча шера ший даь-даь цӀи лелаеш йолча Мочкъий-Юрта, цу хана Тийрка областа Бурон округа́ юкъе хиннай из[2]. Цун да́ инарал хиннав — Байсара БӀунхо. 1900-ча шера Буро тӀара боккъонца йола училище яьккхай ИбрахӀима, хӀаьта 1906-ча шера — Москвера технически училище яккхарца инженер-механика говзал караерзаяьй[3][1]. 1900—1908-ча шерашка Буро тӀа Мухтарова цӀерагӀа дола Сунний маьждиг дотташ да́къа лоацаш хиннав ИбрахӀим[3], цу хана из Мухтарова мехкадаьттан компане болх беш хиннав.
Революци хинначул тӀехьагӀа, 1918-ча Тийрка къаман 2-гӀча съезде[3] ИбрахӀимах Тийрка областа бувзамий наькъий Халкъа комиссар ваьв[3][1].
1926-1927-ча шерашка МохтӀа «Ӏарамхий» курорт йоттача хана из кулгалдеш хиннав курорте бодаш бола 7 км йола никъ чхараш а лелхаеш буллаш а, Тийрка тӀа аьшках-бетонах дола тӀийи, Ӏарамхи тӀа ши дахчан тӀийи туллаш а[3]. Хьаяхачох, цун проектагӀа хиннад курорт ше хьалъяр а[4].
Цул совгӀа ИбрахӀим литератураца хоттабенна болх а лелабеш йоазонхо хиннав[1]. Цо яздеш хиннад дукха публицистически лустамаш[3].
1944-ча шера кхыбола гӀалгӀай мо мехках ваьккхав. 1948-ча шера цига дӀаваьннав.
Белгалдаккхар
- ↑ 1 2 3 4 Тангиев, 1993.
- ↑ Госархив РИ, 2023.
- ↑ 1 2 3 4 5 6 Мальсагов, 2023.
- ↑ Ӏарамхий курорта мазаоагӀув.
Литература
- Алий Тангиев. Восстанавливая прошлое // Ингушетия : газет. — 1993. — 16 марта (№ 15).
- Мальсагов У. Ю. 145 лет со дня рождения Ибрагима Бонухоевича Базоркина. https://archive06.ru/o-nas/. Госархив РИ (30.12.2025). Хоам хьаийца таьрахь: 25.03.2025.
- История курорта Армхи. ingkurort.ru. Ӏарамхий курорта мазаоагӀув. Хоам хьаийца таьрахь: 14.08.2022.