БӀархой Мухьмада Мадина
| БӀархо́й Му́хьмада Мадина | |||
|---|---|---|---|
 | |||
| Ваь моттиг |
Вологодски шахьар→ СССР |
||
| БӀорахол |
 Россе Федераци |
||
| Леладу гӀулакх |
|
||
| СовгӀаташи премеши | |||
БӀархо́й Му́хьмада Мадина (эрс: Барахоева Мадина Магометовна) — мукъамхо, оазархо, Эрсечен мукъамхой юкъарлон доакъашхо, Эрсечен къамай Ассамблея Совета докъашхо[1], «ГӀалгӀайчен къамай Ассамблея» яхача региональни юкъарлон тхьамада, ГӀалгӀайчен дукха дика хӀамаш карагӀдийна товшхала болхло.
1984-ча шера цо йистеяьккхай Нохч-ГӀалгӀай хьехархой институт, из йистеяккхарца болх бе йолаеннай товшхала доазон тӀа — ГӀалгӀай паччахьалкхен товшхала министерствон музеяй отдела кулгалхо йолаш, дешара министерстве — Берий кхоллама центра кулгалхо йолаш.
Мукъамаш кхолла, иллеш даха Мадина йолаеннай берий хана, хӀаьта из пандар лакха Ӏомаеш, цун хьехархо хиннай Россе дукха дика хӀамаш карагӀдийна артистка, ГӀалгӀайчен къаман артистка, ЧИАССР дукха дика хӀамаш карагӀдийна артистка Йовлой Клавдия. Мадина «Эрзи» яхача мукъама тоаба юкъе хиннай, иштта из дакъа лоацаш хиннай «Асса» яхача халхара ансамля юкъе.
«Безама лар» яха ший хьалхара илли цо яздаьд 1985-ча шера. Цунна тӀеххьа арадийнад дукха иллеш. 500 совгӀа илли да Мадинас яздаь. 2007-ча шера арадаьннад «Аз сай иллеш Даьхенна хетаду» яха альбом (16 илли). 2012-ча шера цо арахийцад «Яха, са Даьхе!» яха аудиоальбом (55 илли), 2013-ча шера — «Син мукъамаш» яха гуллам (49 мукъам), иштта «Син мукъамаш» яха аудиоальбом (55 илли).
2020-ча шера Россе дӀайихьай Сийлахьа Боккхача Даьхен тӀема 75 шу дизара хетаяь йола Дунен къамашта юкъера мукъама марафон. Цу марафоне дакъалоацаш, «Коталон ди» аьнна эрсий меттала долча иллена духьала гӀалгӀай меттала таржам дарах Мадинай цӀи юкъеяхай Россе рекордий кинишка тӀарча листама́. 360 совгӀа пхьешкара, юрташкара доакъашхой хиннаб дакъа лоацаш, 100 совгӀа хиннад 29 мехкара хьадайта́дола таржамаш тӀадола видеобалхаш. 13 меттала таржам даь, дӀалакхад «Коталон ди» яха илли[2] [3].
Белгалдаккхар
ТӀатовжамаш
- Мадина Барахоева: «Представители всех народов России имеют право на этнокультурную самобытность, на историческую память и сохранение созидательных национальных ценностей». «Ингушетия (газета)» (10.09.2019). Хоам хьаийца таьрахь: 12.01.2025.