БӀархой Мухьмада Мадина
| БӀархо́й Му́хьмада Мадина | |
|---|---|
 | |
| Яь таьрахь | 22 аьтинга 1968 (58 шу) |
| Яь моттиг | |
| БӀорахол |
 СССР →  Россе Федераци |
| Леладу гӀулакх | мукъамхо, оазархо, хьехархо |
| СовгӀаташи премеши |
«ГӀалгӀай Мехка дукха дика хӀамаш карагӀдийна товшхала болхло» |
БӀархой Му́хьмада Мадина (эрс: Барахоева Мадина Магометовна; 22 аьтинга 1968, Наьсаре, Нохч-ГӀалгӀай АССР) — гӀалгӀай мукъамхо, оазархо, товшхала къахьегамхо, Эрсечен композиторий юкъарлон доакъашхо я. Эрсечен къамай ассамблея совета докъашхо а, «ГӀалгӀайчен къамай ассамблея» яхача региональни юкъарлон тхьамада а я.
Биографи
БӀархой Мадина яьй 1968 шера аьтинга бетта 22-ча дийнахьа Наьсаре[1]. Ашараш лекха, иллеш даха Мадина йолаеннай берий хана, мукъамца ишта хьашт долаш из хиларах дас-нанас Наьсарерча берий мукъама ишколе деша дӀачуеннай из. Цига дийшад цо 1979 шерагара 1984 шерага кхаччалца[1]. Цун хьалхара хьехархо хиннай Йовлой Рая — ГӀалгӀай Мехка халкъа артист, Эрсечен дукха дика хӀамаш карагӀдийна артистка. Массехк шера Мадина солистка хиннай Наьсарен Товшхала ЦӀен «Эрзи» яхача мукъама ансамблеи, «Асса» яхача халкъа халхара берий ансамблеи[2].
1984-ча шера цо йистеяьккхай Нохч-ГӀалгӀай хьехархой институт, из йистеяккхарца болх бе йолаеннай товшхала доазон тӀа — ГӀалгӀай паччахьалкхен товшхала министерствон музеяй отдела кулгалхо йолаш, дешара министерстве — Берий кхоллама центра кулгалхо йолаш.
«Безама лар» яха ший хьалхара йиш цо язъяьй 1985-ча шера. Цунна тӀеххьа арайийнай дукха ашараш. 600 совгӀа йиш я Мадинас язъяь. 2007-ча шера арадаьннад «Аз сай ашараш Даьхенна хетаю» яха альбом (16 йиш). 2012-ча шера цо арахийцад «Яха, са Даьхе!» яха аудиоальбом (55 йиш), 2013-ча шера — «Син мукъамаш» яха гуллам (49 йиш), иштта «Син мукъамаш» яха аудиоальбом (55 йиш)[2].
2020-ча шера Россе дӀайихьай Сийлахьа Боккхача Даьхен тӀема 75 шу дизара хетаяь йола Дунен къамашта юкъера мукъама марафон. Цу марафоне дакъалоацаш, «Коталон ди» аьнна эрсий меттала йолча ашара́ геттара нийсса гӀалгӀай меттала таржам дарах Мадинай цӀи юкъеяхай Эрсечен рекордий книжка тӀарча листама́. 360 совгӀа пхьешкара, юрташкара доакъашхой хиннаб дакъа лоацаш, 100 совгӀа хиннад 29 мехкара хьадайта́дола таржамаш тӀадола видеобалхаш. 13 меттала таржам даь, лекхай «Коталон ди» яха йиш[3].
СовгӀаташ
керттера бух[1]
- звани «ГӀалгӀай Мехка дукха дика хӀамаш карагӀдийна товшхала болхло»;
- мейдилг «ГӀалгӀай Республика 30 шу»;
- мейдилг «250 лет единения Ингушетии с Россией»;
- М. С. Евдокимова цӀерагӀа йола мейдилг.
Белгалдаккхар
- ↑ 1 2 3 Музыкальный атлас. Ингушетия, 2023, оа. 212.
- ↑ 1 2 Харсиева, 2019.
- ↑ Таргимов, 2021.
Литература
- Музыкальный атлас. Ингушетия / Авторы-сост.: Дзаурова Т. А-Х., Гогиев Я. И., Дударов А. Я., Чередниченко А. Р., Матиев М. А., Куркиев Р. С., Ильясова А. З., Кодзоева Д. А., Ахциев И. М., Таркоев Р. Р., Газиков Б. Д.. — Ростов-на-Дону : Южный издательский дом, 2023. — Т. I. — С. 352. — 1000 экз. — ISBN 978-5-98864-167-4.
- Харсиева Л. Музыка без границ. Мадина Барахоева. «Представители всех народов России имеют право на этнокультурную самобытность, на историческую память и сохранение созидательных национальных ценностей». gazetaingush.ru. Интернет-газета «Ингушетия» (10.09.2019). Хоам хьаийца таьрахь: 11.09.2025.
- Таргимов Х. Сотрудница Миннаца Ингушетии занесена в Книгу рекордов России за перевод песни «День Победы». gazetaingush.ru. Интернет-газета «Ингушетия» (30.12.2021). Хоам хьаийца таьрахь: 11.09.2025.