Наьсарен оаз
| «Наьсарен оаз» | |
|---|---|
 | |
| Тайпа | дерригача къаман |
| Формат | А3 |
| Керттера редактор | Оздой Ӏалихан |
| Хьадийлад | 1939 ш. |
| Мотт | гӀалгӀай, эрсий |
| Керттера офис | Наьсаре, Байсаранаькъан Идриса цӀерагӀа йола проспект, 13 |
| МазаоагӀув | golos-nazrani.ru |
Наьсарен оаз (эрс: Голос Назрани), цул хьалхагӀа «Наьсархо» (эрс: Назрановец), советий хана Ленина никъ[1] (эрс: Путь Ленина) — Наьсаре 1939 шера наджгоанцхой 5 дийнахьа денз арахецаш дола газет да. ГӀалгӀайче арахецаш къаьнагӀча газетех да.
Тархьар
Газет юххьанца вӀашагӀделлад 1939 шера наджгоанцхой бетта 5-ча дийнахьа ВКП(б) Наьсарен райкома а Наьсарен райисполкома а маьже я аьнна[2]. Цу дийнахьа араяьннай газета хьалхара номер, «Наьсарен колхозхо»[2], «Колхозхо»[3] яхаш цӀи а йолаш. ТӀехьагӀа массехк цӀи тиллай цох: «Ленина никъ», «Наьсархо», хӀаьта 1993 шерагара денз «Наьсарен оаз» (эрс: Голос Назрани) яхача цӀераца арадувлаш да газет[2][3].
Эггара хьалха газет арахеца доладаьча хана цу тӀа кепадеттар тайп-тайпара парте соцамаш, шахьара боахамах а товшхалах а лаьца заметкаш, цӀихеза болча наьхах лаьца, тӀехьагӀа Сийлахь-Боккхача Даьхен тӀемах а лаьца яздора. Газет гӀалгӀай меттала хинна ца Ӏеш, эрсий меттала а арадувлаш да[3].
ЦӀихеза гӀалгӀай йоазонхой а оазархой а хиннаб газете шоай йоазонаш кепадетташ: Озанаькъан Салман, Боканаькъан Ахьмад, Осменаькъан Хьамзат, Пхьиленаькъан Махьмад-СаӀид, Гаьгенаькъан Гирихан, иштта кхыбараш а. Цу шерашка газета хинна тоадархо ва ЗагӀийнаькъан Хасолта Микаьил. Иштта газете тайп-тайпарча мурашка болх беш хиннаб Дахкилганаькъан ХьакӀаьша Ахьмад (1942 шерага кхаччалца), Албохчанаькъан Муса, МутаӀаланаькъан Мухьмад, Къоастой Муса, Галай Лида, Смирнов Николай[3].
2015 шера денз газета керттера тоадархо ва Оздой Яххьяй Ӏалихан.
Белгалдаккхар
- ↑ Матенаькъан, 2020, оа. 3.
- ↑ 1 2 3 Патиев, 2023, оа. 166.
- ↑ 1 2 3 4 Оздоева, 2019.
Литература
- Мадина Оздоева. С юбилеем, коллеги! 80 лет тому назад вышел первый номер назрановской районной газеты ((ст.)). gazetaingush.ru. «Ингушетия» (9.01.2019). — газета. Хоам хьаийца таьрахь: 30.07.2026.
- Матенаькъан Илез. Безамца дуне кхолларгдар цо (гӀал.) // Сердало : газет. — 2020. — 10 маьцхали (№ 117—118 (12252-253)). — С. 3.
- Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : «Сердало», 2023. — 816 с. — ISBN 978-594452-185-9.