Дахкилганаькъан Элберд-Хьажий Шукри
| Дахкилганаькъан Элберд-Хьажий Шукри | |||
|---|---|---|---|
| Ваь таьрахь | 12 оагӀой 1915 | ||
| Ваь моттиг | Наьсаре | ||
| Венна таьрахь | 1995 | ||
| Венна моттиг | Наьсаре | ||
| Ӏилман никъ | тархьар | ||
| СовгӀаташи премеши |
|
||
Дахкилганаькъан Элберд-Хьажий Шукри (Ӏилманхо, хоамбаржабархо, хьехархо[1].
Биографи
Ваьв декабрь бетта 12 дийнахьа Наьсаре. Цун даьй юрт Долакха-Юрт я[2]. Шукре да́ кӀа йидеш-дохкаш таьргхо хиннав. Ишколе хьалхара ши класс Шукрес Наьсаре яьккхай, амма 1925 шера кхоллагӀча классе Буро тӀарча № 12 йолча юкъерча ишколе дехьаваьккхав. 1936 шера Буро тӀара бувзама наькъий политехнически техникум яьккхай. Ший къахьегама никъ болабаьб Орджоникидзевски аьшкнаькъа урхале инженера балха тӀа. 1938—1940 шерашка ше дийшача политехникума ВЛКСМ комитета секретарь волаш болх баьб. ТӀаккха «Кавизвесть» завода директора заместитель а хиннав. Сийлахь-Боккха Даьхен тӀом болча хана аьшкнаькъа бӀенашка бӀул деш хиннав[1]. Шукри Буро тӀа ваьхав 1944 шера къам мехках даккхалца, цун цӀа Маркова урама тӀа хиннад, цигара Ӏовигав из ГӀиргӀизстане. Цига волча юкъа, гӀалгӀай къаман кхыбола интеллигенташта тарра административни-хозяйственни балхаш даьд. Даймехка цӀавеначул тӀехьагӀа винзавода цеха хьаким а, Промысловой аьшкнаькъа хьаким а, 9 шу совгӀа — Нохч-гӀалгӀай карьер-урхален директор а волаш болх баьб. 1961—1965 шерашка МагӀалбика горисполкома тхьамада хиннав[2].
ГӀалгӀай къамо ЦК КПСС кулгалхошка а Советий Правительствога а яздаь каьхат (кхайкарал) а ийца Москве ваха хиннав 1988 шера массехк гӀалгӀа. Царна юкъе хиннав Дахкилганаькъан Шукри а[3].
СовгӀаташ
- майдалг «Сийлахь-Боккхача Даьхен тӀема тӀа денал долча къахьегамах»
- орден «Сийлен Хьарак» (1971 ш.);
- майдалг «Денал долча къахьегамах».
Белгалдаккхар
- ↑ 1,0 1,1 Оздоева, 2018.
- ↑ 2,0 2,1 Патиев, 2010.
- ↑ Матиев, Илиева, 2019, оа. 52.
ТӀатовжамаш
- Матиев Т. Х., Илиева Ф. М. Участие ингушской литературной интеллигенции в общественных процессах XX века // Вестник Ингушского научно-исследовательского института гуманитарных наук им. Ч. Э. Ахриева : научный журнал. — 2019. — № 1. — С. 49—53.
- Оздоева М. Имена из прошлого. Шукри Дахкильгов — борец за бесспорные истины // Ингушетия : газета. — 1918. — 14 декабря.
- Патиев Я. Краевед, журналист, патриот (Шукри Эльбердович Дахкильгов). ghalghay.com (2010). Хоам хьаийца таьрахь: 2022 шера оагӀой бетта 8-гӀа ди.