Малсаганаькъан Мухьмада Абубакар
| Малсаганаькъан Мухьмада Абубакар | |
|---|---|
 | |
|
| |
 ГӀалгӀай Мехка Доалчен тхьамада
 |
|
| 2013-ча шера тов бетта 13-ча дийнахьа — 2016-ча шера лайчилла бетта 16-ча дийнахьа | |
| Хьалхахиннар | Чиленаькъан Мажита Муса |
| ТӀехьахиннар | Гаьгенаькъан Руслан |
|
ГӀалгӀай Мехка гӀишлош яра министр
|
|
| 2012-ча шера тов бетта — 2013-ча шера тов бетта | |
|
|
|
| Ваьв |
3 оагӀой 1959 (66 шу) Алма-Ата, Казахий ССР СССР |
| Дешар | Шолжа-ГӀала тӀара паччахьалкхен маезкдаьттан технически университет |
| Болхговзал | инженер-гӀишланхо |
| СовгӀаташ | «Эрсечен сийдола гӀишланхо» (1998 шу) |
Малсаганаькъан Мухьмада Абубакар (эрс: Мальсагов Абубакар Магометович 3 оагӀой 1959, Алма-Ата[d]) — Россе паччахьалкхен болхло, РФ кхоалагӀча созыва Халкъа Гуллама депутат, сийдола Эрсечен гӀишланхо — кибернетик. Хьалха хинна гӀишлош яра министри ГӀалгӀай Республика Доалчен тхьамадеи ва[1][2]. Мальтес яхача гӀишлон фирман генеральни кулгалхо ва 1998-ча шера денз. МагӀалбикереи Илдарха-ГӀалий тӀареи гимназеш етта́р.
Биографи
Абубакар ваьв Казахий ССР Алма-Ате. Цо 1989-ча шера дийша йистеяьккхай Шолжа-ГӀала тӀара паччахьалкхен мехкдаьттан технически университет «инженер-гӀишланхо» яхача говзалах. 1988-ча шера цунна еннай «Эрсечен сийдола гӀишланхо» яха сийлен цӀи. 2012-ча шера цо болх баьб гӀишлош яра тайп-тайпарча даржашка. 2012-ча шера тов беттагара денз 2013-ча шера тов беттага кхаччалцца из хиннав ГӀалгӀай Мехка гӀишлош яра министр. 2013-ча шера тов бетта денз цо болх баьб ГӀалгӀай Республика Доалчен тхьамадалла[2]. 1989-ча шера цо йотта йолаяьй Шолжа-ГӀала тӀара хьалхара завод. Завод яйзачул тӀехьагӀа, кхыча мехкашкара эцархой ухаш хиннаб заводера кирпишк эца. Цул тӀехьагӀа цунна нигат хиннад ший мехка гӀишлон фирма хьаела. «Мальтес» аьнна фирма йийлай цо, фирман цӀи лаьттай компане вӀашгӀъелларий цӀерий хьалхарча алапех — Малсаганаькъан, Темарзанаькъан, Соловьев[3].
«Мальтес» хьайийлай 1994-ча шера оагӀой бетта, 1995-ча шера духхьашха йолаяьй арахеца кирпишк. 1996-ча шера из ваха цӀавенав ГӀалгӀай Мехка. 1997-ча шера «Мальтес» фирме хувцамаш хинначул тӀехьагӀа, из цун генеральни кулгалхочулла эттав. 1998-ча компаненна декхар тӀадиллад 540 моттиг чуйодаш ши ишкол йотта, цхьа шу даьлча етта яьннай МагӀалбикереи Илдарха-ГӀала тӀареи гимназеш. Цул тӀехьагӀа хиннай объекташ: Аьлте-Юртареи Пхьилекъонгий-Юртареи ишколаш, ЖӀайрахара берий лагерь «Аьрзи», Яндарера нах баха комплекс. Цул совгӀа цо тоаяьй Осканаькъан Сулумбика цӀерагӀа йола «Магас» яха аэропорт а[3]. Из проект, цо ше яхачох, цун балха юкъе эггара халагӀа хиннай. Проект йотташ, декхараш дизза кхоачашдарах Евкуранаькъан Баматгире Ювназ-Бека из сийлен цӀерца белгалваьккхав.
СовгӀаташ
• 1998-ча шера РФ ГК гӀишлош яра политиках волча тхьамадан когаметтаоттара амарах цунна еннай «Сийдола Эрсечен гӀишланхо» яха цӀи;
• 2001-ча шера РФ ГК гӀишлош яра политиках волча тхьамадан когаметтаоттара амарах цунна еннай «КарагӀдаьннарех» яха орден;
• 2011-ча шера СКФО гӀишланхой Президента Гильде Сийлен грамота еннай;
• 2012-ча шера ГӀалгӀай Мехка мехкдаь амарах цунна еннай «КарагӀдаьннарех» яха орден
.
Дезал
Кхозза саг йоалаяь ва[2].
Белгалдаккхар
- ↑ Мальсагов Абубакар Магометович - компромат, биография, образование, национальность. zampolit.com. Хоам хьаийца таьрахь: 24.09.2025.
- ↑ 1 2 3 Назначен новый Министр строительства Республики Ингушетия.
- ↑ 1 2 Абубакар Магометович Мальсагов, ингуш, бизнесмен, строитель, премьер-министр. http://magas.su/. Хоам хьаийца таьрахь: 24.09.2025.