Магас (аэропорт)
| Аэропорт Магас | |||||||
|---|---|---|---|---|---|---|---|
 | |||||||
| ИАТА: IGT (ИНШ) – ИКАО: URMS (УРМС) | |||||||
| Хоам | |||||||
| Аэропорта тайпа | бӀорахой | ||||||
| Мохк |
 Россе Федераци |
||||||
| Йоалла моттиг | Шолжа-Пхье, ГӀалгӀай Мохк | ||||||
| Оператор | ОАО " Осканаькъан Сосаркъий Суламбика цӀерагӀа йола аэропорт Магас " | ||||||
| Форда тӀехен тӀара лакхал | +343 м | ||||||
| Сахьата оаса | UTC+3 (Москвера ха) | ||||||
| МазаоагӀув | airportmagas.ru | ||||||
| Мехкасурт | |||||||
|
|
|||||||
| ХьалгӀувтта-Ӏохувша оасаш | |||||||
|
|||||||
 РУВИКИ.Медиа чура файлаш | |||||||
Эрсечен хьалхарча турпала Осканаькъан Сосаркъий Сулумбика цӀерагӀа йола аэропорт Магас (гӀа: Магаса Аэропорт) — федеральни лоархӀам бола ГӀалгӀай Мехка юкъ йолча Магаса цаӀ мара йоаца бӀорахой аэропорт[1]. Доазонга хьежача, из улл Шолжа-Пхьен округеи Шолжа шахьара Эбарг-Юртеи доазув къасттача.
Керттера хоамаш
Моттиг
«Магас» аэропорт улл Шолжа хин атагӀа, Магасагареи Наьсарегареи гӀинбухе-малхбоалегахьа 30 км гаьна, Шолжа-Пхьен малхбузерча йистте, зӀилбухен-малхбузехьа «Сипсой-ГӀала» яхача аьшкан наькъа́ ши километр гаьна. Терко тӀаозаш да ХӀирашкахьа ула Берса-Пхьера аэропорт наькъашка гӀолла водаш хилча Магасагареи Наьсарегареи 22 км гаьна мара цахилар
Чуийдеча кемай тайпаш
Магас яхача эропорто чуийду фекемаш:
- Фекемай деррига тайпаш Boeing 737-800, Ил-76 кхаччалца, уж д1ахувш кемаш сувцача йиъ метте, иштта кхесторгакемаш а.
ВПП декъора таьрахь (PCN) 39/R/B/W/T.
Чакхдувлийтар
Аэропорт сахьата́ пхи фекема чакхдувлийта аьттув болаш да.
Пассажираш Ӏалашбар: сахьата 150 саг. Мухь: 100 тонн сахьата.
Аэропорт Эрсечен юкъера а, доазол арахьара а пассажирий рейсаш е йиш йолаш я, Россе а кхыча къамашта юкъе а лелаю бокъонаш лораеш.
«Магас» аэропорте йоккха авиатранспорта (хаба) хьаела мегаш я.
Лаьтта тӀара гӀулакхчеш
- пассажира терминал эшаш мел йола моттигаш а погранични, иммиграционни, таможенни, ветеринарни, санитарно-карантинни тӀахьожама кечалаш а долаш
- VIP-зал (къаьстта йолча делегацештеи нахаи лаьрхӀа йола зал)
- перрон, фекемайи кхесторгакемайи сувцара йиъ моттиг (МС)
- рулёжни ИВПП перронацеи сувцара моттигацеи хотташ дола наькъаш
- хӀанзара радиотехникани светосигнальнии кечалаш
- гараж, специализированни автотранспорта йола сувцара моттиг
- Диспетчерий тоабан пункт (КДП)
- аварийно-кӀалхарбахара станци
- склад ГСМ
- Мовхьа склад
- Хьабаь бола гӀаттареи-Ӏохувшареи оаса (ИВПП) № 1 «Б» классах цементобетон йилла[2] боарам 3000 х 46 метр.
Хьожаяра пункташ
| Авиакомпани | Хьожаяра пункт | Каст-каста ахар | Рейса таьрахь | Фекемай тайпа |
|---|---|---|---|---|
 ЮТэйр
|
Москва (Внуково) | ХӀара денна | UT-549
UT-550 |
Boeing 737-800 |
| Победа
|
Москва (Внуково) | ХӀара денна | DP-173
DP-174 |
Boeing 737-800 |
| Аэрофлот
|
Москва (Шереметьево) | ХӀара денна | SU-1078
SU-1079 |
Airbus 320 |
Тархьар
1992-ча шера аьтинга бетта 4 дийнахьа РФСР Распоряжени хьаяьй ГӀалгӀай Республика. Транспорта хьал хала хилари кхыча къамашцара бувзам лелабе безари бахьан долаш, фецара наькъаш дӀанийсдар хьалхадаьккхад. Лоацача юкъа шоай аэропорт хьаела лаьрхӀад Армавира тӀема гӀеттара училища ларда тӀа.
1992-ча шера лайчилла бетта 28-ча дийнахьа Россе Федераце Доалчен распоряженех № 2185-Р юридически дӀачӀоагӀдаьд «ГӀалгӀайче» яха аэропорт хьаелар. Кийчбаьб аттестаци дӀахьоргйола болхговзанчаш.
1993-ча шера наджгоанцхой бетта 25-ча дийнахьа «ГӀалгӀайче» яхача аэропорте духхьашха Як-40 яха фекема Ӏохоадаьд. Аэропорт хьаела лаьрхӀа бутт баьна мара бацар.
1995-ча шера ГӀагӀай Мехка Президента Овшанаькъан Султана Руслана амарца лаьрхӀад керда аэропорт Ӏойилла.
1999-ча шера тов бетта 21-ча дийнахьа ГӀалгӀай Мехка Доалчен № 353-р амарца «ГӀалгӀайче» яха аэропорта цӀи «Магас» аьнна хийцай. 2000-ча шера ГӀалгӀайчен аэропорта керда комплекс хьалъетта яьннай.
2007-ча шера тушола бетта 23-ча дийнахьа ФГУП «Аэропорт ГӀалгӀайче» ОАО «Аэропорт Магас» хьахиннай. Иштта аэропорт дӀачоагӀъяьй Магас пхьена тӀехьа.
2008-ча шера ГӀалгӀай Мехко «Магас» аэропорта лаьрхӀа Ту-134 йоалаяьй[3].
2011-ча шера оагӀой бетта 27-ча дийнахьа «ЮТэйр» яхача Эрсечен авиакомпане «Боинг» авиалайнер духхьашха Ӏохайнай Магас аэропорта гӀеттар-Ӏохувшара оаса тӀа, 116 саг чуволаш[4].
2012-ча шера саькура бетта 7-ча дийнахьа Россе Федерацен хьалхарча турпала, СССР дукха дика хӀамаш карагӀдийнача тӀема лётчика, тӀема Ӏилмай кандидата, инарал-майора цӀи массаза яхаргйолаш, Осканаькъан Сосаркъий Суламбика цӀи тиллай ГӀалгӀайчен мехкдаь Евкуранаькъан Баматгире Ювназ-Бека № 15 йола амар дарца, иштта цох цӀи яьккхай ОАО « Осканаькъан С. цӀерагӀа йола аэропорт Магас».
2012-ча шера тов бетта ОАО «Осканаькъан С. цӀерагӀа йола аэропорт Магас» кулгалхочулла хержав Йовлой ЗаӀама Ваха.
Сурташ
Белгалдаккхар
- ↑ Распоряжение Правительства Российской Федерации от 20 апреля 2016 года № 726-р «Об утверждении перечня аэропортов федерального значения»[1] // Wayback Machine архиве дӀадилла шоллар (8.05.2016)
- ↑ ИВПП не менее 2600 метров — присутствует у аэродромов класса Б. Хоам хьаийца таьрахь: 18.04.2013. Архиваци яьй 4.03.2016.
- ↑ Аэропорт «Магас» будет международным. Хоам хьаийца таьрахь: 22.04.2013. Архиваци яьй 26.04.2016.
- ↑ Аэропорт «Магас». Хоам хьаийца таьрахь: 26.07.2013. Архиваци яьй 2.02.2014.