Сердало (газет)
| «Сердало» | |
|---|---|
 Сердалон хьалха хинна логотип. 1926 шу. | |
| Тайпа | дерригача къаман |
| Формат | А3 |
| Керттера редактор | Курскенаькъан Хадижат |
| Хьадийлад | 1923 ш. |
| Кепатохар соцадаьд | 1944—1957 шш. |
| Мотт | гӀалгӀай, эрсий |
| Керттера офис | Наьсаре, Байсаранаькъан Идриса цӀерагӀа йола проспект, 60 |
| Тираж | 2000 |
| Наградаш |
 |
| МазаоагӀув | serdalo.ru |
Сердало (эрс: Свет, ингал: Serdalo) — ГӀалгӀай мехка къаман юкъара газет. Арадувл 1923 шера маьтсела 1 дийнахьа денз. Хоам эрсий меттала а ба, хӀаьта дукхагӀа гӀалгӀай меттала ба[1].
Газет кӀира́ цкъа арадувл 2000 экзмепляр йолаш[2]. 1970-ча шерашка тираж 6000 экземпляр хиннай[3]. ХӀаьта эггара дукхагӀа 15000 тираж йолаш а хиннад[1].
Тархьар
Газета хьалхара номер араяьннай 1923 шера май 1 дийнахьа. Газет доладаьраш хиннаб: Лоамара АССРа сердалъялара халкъа комиссар хинна Малсаганаькъан Кураза Зоврбик а (газета хьалхара редактор), оазархои таржамхои хинна Беканаькъан ДордагӀа Тембот а (газета хьалхара бехктокхаме секретари корректори). Газета хьалхарча номера тираж — 500 экземпляр хиннай[4].
Газета цӀи массайтазза тоаяь хиннай: 1924 шу доладалалехьа Sierdaluo яхаш хиннад из, 1924 шу додача юкъа Serdalo, Serdalo — Свет хиннад, 1924 чакхдоалаш — 1926 шера май болалуш Serdælo — Свет яхаш хиннад, 1926 шера май беттагара денз — Serdælo, 1929 шера июнагара денз — Serdalo, 1938 шера сентябрагара денз — Сердало.
ГӀалгӀай шоай мехках баьхача хана газет ара ца дувлаш соцадаь хиннад.
Цкъахьалха ГӀалгӀай автономе областа юкъ хиннача Буро тӀа арадийнад из (зарбанче Горький Максима цӀерагӀча ураме, 13-гӀча цӀагӀа хиннай)[5], цул тӀехьагӀа Шолжа-ГӀалий тӀа хиннай. 1993 шера денз Наьсаре да газет арахецаш. Учредитель ГӀалгӀай Мехка Доалче я. Тархьаре газета формат йоккха хиннай (А4), биъ мугӀ бодаш. 2021 шера денз хьалха мо кӀира кхозза ца дувлаш, кӀира цкъа арадувла доладеннад. Газета дӀатӀаязденнараш дукхагӀа паччахьалкхен ведомстваш я[1].
Газета болхлой
- Керттера редактораш
- Малсаганаькъан Кураза Зоврбик (1923—1927);
- Овшанаькъан Дреса Махьмад (1927—1929)[6];
- Дидиганаькъан Бексолта Борис;
- Колой Османа Халат[7];
- Шаденаькъан Сулумбика Хьусен (2003—2013);
- Куркъанаькъан С.;
- Солтамаканаькъан М.;
- Овшанаькъан М.;
- Льянанаькъан М.;
- Тебойнаькъан Т.;
- Чахкенаькъан Идриса СаӀид;
- БӀархой М.;
- Озанаькъан М.;
- Патанаькъан Султана Йоакъап.
- Вешта газете болх баьраш
- Ведажанаькъан Абукара Ахьмад (1938—1939, 1957—1959 шерашка)
СовгӀаташ
- Газета́ «Сийлен белгало» яха орден енна хиннай.
Белгалдаккхар
- ↑ 1 2 3 Патиев, 2023, оа. 593—594.
- ↑ Сердало // Атлас российских СМИ (архивная копия 30 октября 2007)
- ↑ «Сердало» — Доккхача советий энциклопеде чура статья (3-е издание)
- ↑ Газета Ингушетия: Издательское дело в Ингушетии в начеле XX века
- ↑ Л. Н. Шуваева // Эдельвейсы Гизельдона
- ↑ Ӏарчакханаькъан С., 2023.
- ↑ Ӏарчакханаькъан С., 2022.
Литература
- Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : «Сердало», 2023. — 816 с. — ISBN 978-594452-185-9.
- Ӏарчакханаькъан Сали. Газета керте лаьтта саг (гӀал.) // «Сердало» : газет. — 2023. — 23 наджгоанцхой.
- Ӏарчакханаькъан Сали. Нах безаш ваьхар, сий долаш хул (гӀал.) // «Сердало» : газет. — 2022. — 12 тов.