Хамхой Мурата Жимсари

Хамхой Мурата Жимсари
эрс: Хамхоева Жимсари Муратовна
Яь таьрахь	15 наджгоанцхой 1966(1966-01-15) (60 шу)
Яь моттиг	Пхьилекъонгий-Юрт, Нохч-ГӀалгӀай АССР
БӀорахол	СССР →  Россе Федераци
Леладу гӀулакх	йоазонхо, оазархо
Жанр	лирика[d]

Хамхо́й Мура́та Жимса́ри (эрс: Хамхоева Жимсари Муратовна); (14 наджгоанцхой 1960, Пхьилекъонгий-Юрт, Нохч-ГӀалгӀай АССР) ― гӀалгӀай оазархо, гӀалгӀай метта хьехархо, ГIалгIай йоазонхой юкъарлон доакъашхо.

Биографи

Хамхой Жимсари яьй 1966-ча шера бекарга бетта 27-ча дийнахьа Наьсарен шахьара Пхьилекъонгий-Юрта хьехархой дезале. 1986-ча шера Жимсаре йистеяьккхай хьехархой училище, 1995-ча шера Л. Н. Толстой цӀерагӀа йолча Нохч-ГӀалгӀай университета филологе факультет яьккхай. 1986-ча шера из балха яхар Пхьилекъонгий-Юртарча юкъерча ишколе.

Кхоллам

Цун хьалхара байташ кепатеха араяьннай «Ленина никъ» яхача Наьсарен шахьарарча газета тӀа 1983-ча шера нажгоанцхой бетта 1-ча дийнахьа. Цул тӀехьагӀа уж араяьлар «Лоаман Ӏуйре» яхача альманаха тӀа, «СелаӀад» яхача берий журнала тӀа, «Литературни ГӀалгӀайче» журнала оагӀонаш тӀа, иштта «Сердало», «ГӀалгӀайче» газеташ тӀа а. Цун байташ юкъе яхай «Баьца тӀа тхир», «Родные напевы», «Дунен дехар», «Ираз хилда хьа, ГӀалгӀайче», «Дом, в котором живет книга» яхача гулламашта.

Кинашкаш

• «Чаккхе йоаца бала» (1992 шу)
• «Дунен малх» (2012 шу)
• «Лоаман мух» (2021 шу).

Болх

Хамхой Жимсари болх беш я хьехархочулла. Цо болх баьб Пхьилекъонгий-Юртарча №1 йолча ишколе, тӀехьарча болх беш я Наьсарерча № 12 йолча ишколе.

Дезал

Жимсаре виъ дезалхо ва, кхо йиӀиги цхьа кӀаьнки: Залина, Лиана, СаӀид, Ясмина. ЗӀамагӀйола йиӀиг Ясмина кхелхай.

Белгалдаккхар

Литература

• Патиев Я. Писатели Ингушетии / Сост. проф. И. А. Патиев. — Ростов-на-Дону : ООО «Южный издательский дом», 2022. — 111 с.