Ӏахилганаькъан Тухана Микаьил

Ӏахилганаькъан Тухана Микаьил
Ӏахилганаькъан Тухана Микаьил
	эрс: Ахильгов Микаил Туханович
Ваь таьрахь	26 лайчилла 1958
Ваь моттиг	ГӀалме шахьар
Венна таьрахь	6 маьцхали 1993 (34 шу)
Венна моттиг	ГӀалгӀайче, Эрсече;
БӀорахол	СССР → Россе Федераци
Леладу гӀулакх	йоазонхо, оазархо
Кхолламий мотт	гӀалгӀай, эрсий

Ӏахилганаькъан Тухана Микаьил (эрс: Ахильгов Микаил Туханович) — ГӀалгӀайчен йоазонхо, оазархо, ПТРК «ГӀалгӀайче» болхло.

Биографи

Ӏахилганаькъан Микаьил ваьв 1958-ча шера лайчилла бетта 26-ча дийнахьа СОАССР ГӀалме шахьаре Ӏаьржача атагӀе (эрс: Чернореченское) дукхача дезала юкъе. 1977-ча шера цо дийша йистеяьккхай Терски юкъера ишкол. Цул тӀехьагӀа из болх беш хиннав Орджникидзерча кӀир йоаккхача заводе. ТӀаккха болх беш хиннав «Казбек» яхача мебель хьаеча фирме. 1979-ча шера из деша эттав Нохч-ГӀалгӀай паччахьалкхен университете кийчон отделене. Цу шера из деша эттав эрсий-вайнаьха филологен отделене. 1982-ча шера из деша эттав Москверча М. Ломоносова цӀерагӀа йолча хоамбоаржабара факультете. Из яьккхачул тӀехьагӀа из бӀул кхоачаш деш хиннав Кантемировски дивизе.

1988-ча шера — «Сердало» газета юртбоахама отдела корреспондент. Цу шера тов бетта денз Орджоникидзерча № 10 ПТУ хьехархо ва.

1989-ча шера денз Нохч-ГӀалгӀай радио берий-кагирхой программай редакцен кулгалхо.

1990 шераш доладеннача хана «Маьтлоам» яхача литературни-исбахьален журнала оазарлен отдела кулгалхо. 1993-ча шера саькура бетта денз цо болх баьб корреспондент а, ПТРК «ГӀалгӀайче» хоамий программай отдела кулгалхо а, кертерча редактора когаметтаоттар а волаш.

Духхьашха ше язъяь байташ Микаьила язъяьй 10-ча класса деша вагӀача хана эрсий меттала. Царех ши байт ӀотӀаяьхай «Молодой коммунист» яхача ХӀирий республикан кагирхой газета тӀа.

Цун оагӀув хьаллоацаш хиннав Байсаранаькъан Идрис. Из универсетете деша оттача хана цо новкъостал даьд цунна. Ше валлалца Микаьилага хьожаш хиннав Идрис.

Духхьашха цр ший кинижка арахийцад 1981-ча шера Грозне, цун цӀи хиннай «Ахкан бийса». Иштта Микаьила кхоллам арабийннаб «Сердало» газета тӀа, «Лоаман Ӏуйре» яхача альманаха тӀа, «Маьтлоам» яхача журнала тӀа. Цун байташ ешаш хиннай радио а телевидене а. Иштта цун байташ арайийнай «Трава на росе», «К высотам», «Родные напевы» яхача гулламашта юкъе.

2003-ча шера маьцхала бетта 6-ча дийнахьа кхелхав из, хатаре нийсвенна. Из венначул тӀехьагӀа, цу шера еннай цунна «КарагӀдаьннарех» орден^[1].

Кхоллам

• Ахкан бийса, байташ, 1981 шу
• Хьамсара мукъамаш, байташ, дувцараш, 1990 шу
• Ираз лехаш, байташ, 1991 шу

Белгалдаккхар

↑ Одаренный от природы Ингушскому писателю, поэту и журналисту Микаилу Ахильгову исполнилось бы 65 лет

Литература

Патиев Я. С. Писатели Ингушетии. — Ростов-на-Дону : Южный Издательский дом, 2015. — 185 с.

[1] Одаренный от природы Ингушскому писателю, поэту и журналисту Микаилу Ахильгову исполнилось бы 65 лет

[1]