Кхоачам (синтаксис)
Кхоачам (ба) (эрс: дополнение) — предложене керттерза маьже я. Цо белгалду хӀама е саг, хандешо цунца урхалдара бувзам хул. Цар дера чаккхе а хьахьокх, е дер сенца е хьанца кхоачашду белгалдоаккх. Кхоачамо жоп лу масса эргача дожарий хаттарашта (цӀереи дереи дожарашкара дӀа мел ийккхарашта)[1].
Кхоачама морфологически форма хул: цӀердешах, лоӀамеча белгалдешах, таьрахьдешах, цӀерметтдешах, лоӀамеча причастех, масдарах латташ. Масала, комарий дукхалах цецъяьннаяр со.[1].
Кхоачам баьржа а хила йиш я, цхьантайпара а хила йиш я.
• Баьржа кхоачам цхьан дешал дукхагӀа латт. Масала, Сиха воагӀача, мотт беттача Махьега хьежаш латтар тхо. Шин дешархочоа совгӀаташ делар.
• Цхьантайпара кхоачам цхьан дешах латт. Масала, Иразеча вахарах, кортамукъаленах, къахьегамах яздаь дукха дувцараш да Чахканаькъан СаӀида — цхьантайпара кхоачамаш да [1].
Кхоачамаш шоашца дештӀехьенаш йолаш а хила йиш я. Масала, Къамаьла́ юкъе цо хьехархочунга хаттар делар.[1].
Белгалдаккхар
- ↑ 1 2 3 4 Гандалоева, 2018, оа. 349.
Литература
- Гандалоева А. З. ХӀанзара гӀалгӀай мотт. Синтаксис. — Назрань : «Кеп», 2018. — 349 с.